Monday, September 23, 2019
Home Blog

आज ‘ विश्वकर्मा पुजा’ धुमधामको साथ मनाइदै

जनकपुरधाम । विश्वका आदि शिल्पकार भगवान विश्वकर्माको पूजा जनकपुरधाम सहित तराईमधेशका विभिन्न जिल्लाहरुमा धुमधामका साथ मनाइदै।

आज कलकारखानामा रंगीचंगी पार्नुका साथै बिशेष पूजा पनि गरिन्छ । सवारी साधन हुनेहरूले बिहानै सवारी साधनलार्इ धाेएर पूजाअाजा गरेका छन् । बिहानै गुड्ने सार्वजनिक सवारीका साधनलार्इ पनि बिहानै धोएर सफा पारी रिवन तथा विभिन्न ध्वजापतका लगाएर रंगीन बनाइएको छ ।

गाडी मर्मत संभार गर्ने ग्यारेजलगायत हरेक सानाठूला फयाक्ट्रीमा आज सामानको दिगोपन र मुनाफाको कामना गर्दै पूजा गर्ने गरिन्छ । पूजा गरिसकेपछि दिनभर ती सामानको प्रयोग नगर्ने चलन पनि छ । यस अवसरमा केहीले विश्वकर्माको मूर्ति बनाई पूजा गर्ने र प्रसाद चढाउने पनि गर्दछन् । आज पूजा गरिएको मूर्तिलाई भोलि बिहान नजिकैको खोला वा नदीमा लगि बिसर्जन गरेपछि विश्विकर्मा पूजा समापन हुन्छ ।

यो पूजा विशेष गरी मधेशी समुदायले धुमधाम र तामझामका साथ मनाउने गर्दछन् । यसै अवसरमा धनुषा लगाईत तराईका विभिन्न जिल्लामा विश्वकर्मा बाबाको भव्य पूजा गरी गरिन्छ ।

फलामको क्षेत्रमा काम गर्ने मजदुरहरुलाइ आजका दिन बिदा पनि दिने चलन छ । आजका दिन आफनो फलामे औजारको पूजा गर्नाले लामो समय सम्म टिक्ने जनबिश्वास छ ।

प्रदेश २ : लोकसेवा आयोगका अध्यक्ष डा यादवले पद तथा गोपनियताको शपथ ग्रहण

जनकपुरधाम । प्रदेश २ का लोकसेवा आयोग अध्यक्षमा प्राध्यापक डा. सुरेन्द्र प्रसाद यादवले आइतबार पद तथा गोपनियताको शपथ ग्रहण गरेको छ ।

मधेश भवनमा आज आयोजित एक समारोहमा विउनलाई प्रदेश २ का प्रमुख रत्नेश्वरलाल कायस्थले सपथ ग्रहण खुवाएका हुन् । नवनियुक्त यादव सिरहाको औरही गाउँपालिका ५ का हुन् । उनी सिरहा क्याम्पसमा लामो समयसम्म उपप्राध्यापकको रुपमा काम गरेका छन ।मुख्यमंत्री लालबाबु राउत नेतृत्वको सिफारिस समितिले डा. यादवलाई प्रदेश लोकसेवा आयोग अध्यक्षमा नियुक्त गरिएको थियो ।

शपथ ग्रहण समारोहमा मुख्यमन्त्री लालबाबु राउत, सभामुख सरोज कुमार यादव, भौतिक पूर्वाधार विकासमन्त्री जितेन्द्र सोनल लगायतका मंत्री, प्रदेश सांसद, कर्मचारी लगायतको उपस्थिति रहेको थियो

न्याय दिने उपमेयर आफैं न्याय माग्दै कहिले संघीय मामिला मन्त्रालय त कहिले उच्च अदालत खेप्दै

रौतहट । संविधानले उपमेयरलाई स्थानीय तहको न्यायिक समिति संयोजक तोकेको छ । रौतहटको कटहरिया नगरपालिकाकी उपमेयर नूरजहाँ खातुन भने आफैं न्याय माग्दै कहिले संघीय मामिला मन्त्रालय त कहिले उच्च अदालत धाइरहेकी छन् ।

गत निर्वाचनमा मेयरभन्दा बढी मत पाएकी उनी मेयर सियाराम कुशवाहाको मनोमानीबाट अन्यायमा परेको बताउँछिन् । उपमेयर खातुनले आफूलाई नगरपालिकाको योजना र कामबारे समेत जानकारी नदिएको बताइन् । उनी भन्छिन्, ‘मैले जान्न खोज्दा प्रमुख प्रशासकीय अधिकृत र लेखापालले समेत अटेर गर्ने गरेका छन् ।’

मेयर कुशवाहले उपमेयरलाई कुनै सूचना वा सुविधा नदिनू भन्ने उर्दी जारी गरेकाले यो सब भएको उनको दावी छ । प्रमुख प्रशासकीय अधिकृत मनोजकुमार रजकले उपप्रमुखको कार्यकक्ष सफा गर्नसमेत कर्मचारीलाई रोक लगाएको खातुनको आरोप छ ।

स्थानीय तहको सेवा सञ्चालन तथा व्यवस्थासम्बन्धी आदेश २०७४ मा उपप्रखुलाई सम्बन्धित स्थानीय तहको न्यायिक समिति, योजना अनुगमन मूल्यांकन समिति, राजश्व बजेट परामर्श समिति र विकास बजेट सिलिङ गर्ने समितिको संयोजक तोकेको छ ।

‘तर, मेयर कुशवाह र प्रशासकीय अधिकृत रजकले मलाई यी सब अधिकारबाट बञ्चित गरेका छन्’, उपमेयर खातुन भन्छिन्, ‘योजना अनुगमनको अधिकार मेरो भए पनि मेयर कुशवाहले आफैंलाई अनुगमन तथा सुपरिवेक्षण समितिको संयोजक भन्दै हस्ताक्षर गर्ने गरेका छन् ।’

नगरपालिकामा भ्रष्टाचार मौलाएको, आफूले कामकाजबारे जानकारी लिन खोज्दा मेयरले अपशब्द प्रयोग गरेको उनको आरोप छ । एक मुश्लिम महिला राजनीतिमा आएकोमा सहयोग गर्नु पर्नेमा सधै दुःख दिएको गुनासो खातुनले गरिन् ।

उनले संविधान र कानुनले दिएको अधिकारसहित उपमेयरको काम गर्न पाँउ भन्दै दिएको रिट निवेदनमाथि सुनवाई गर्दै उच्च अदालत जनकपुरको वीरगंज अस्थायी इजलासले १० साउनमा जारी गरेको आदेशमा नगरप्रमुखको अनुपस्थितिमा उपप्रमुखलाई कार्यवाहक दिन र उपप्रमुख संयोजक रहने गरी समितिहरु गठन गर्ने व्यवस्था मिलाउन भनिएको छ ।

तर, नगर प्रमुख कुशवाहले अदालतको निर्देशनात्मक आदेशको पनि पालना नगरेको उपप्रमुख खातुन बताउँछिन् । आफूलाई कामकाज गर्न रोक लगाएकोमा संघीय मामिला तथा सामान्य प्रशासन मन्त्रालयमा पनि गुनासो गरेको उनले बताइन् । मन्त्री लालबाबु पण्डितलाई पनि सबै जानकारी गराएर मन्त्रालयबाट नगरप्रमुखको अनुपस्थितिमा उपप्रमुखलाई कार्यवाहक दिन लिखित निर्देशन जारी गराएको उनी बताउँछिन् ।

‘तर, कुशवाहले त्यो पत्रलाई पनि रद्दीको टोकरीमा फ्याँके’, उपमेयर खातुन भन्छिन्, ‘म नगरपालिकामै हुँदा पनि ४ नम्बर वडाका अध्यक्षलाई कार्यवाहक दिएर जान्छन् ।’
यस बिषयमा जिज्ञासा राख्दा मेयर कुशवाहले कार्यपालिकाको निर्णय बिना आफूले बजेट र भुक्तानीको काम नगरेको, उपमेयर कार्यालय नआएपछि वडा अध्यक्षलाई कार्यवाहक दिएको बताए । उनले भने, ‘बोलाउन मान्छे पठाउदा पनि उहाँ नआएपछि वडा अध्यक्षलाई कार्यवाहक दिएको हुँ ।’

उपमेयरकै कारण योजना तर्जुमा नहुँदा १० असारमा नगरसभा नभएको मेयर कुशवाहले बताए । त्यसपछि कार्यपालिकाको बैठकले योजना तर्जुमा गरेर २५ गते नगरसभा गरेको थियो, सभाको मञ्चमै उपमेयरले प्रमुख प्रशासकीय अधिकृतलाई झम्टिएको, उपमेयरले लगाएका सबै आरोप निराधार भएको दाबी मेयर कुशवाहले गरे ।

मधेशका किसानहरु सरकार विरुद्ध आन्दोलन गर्नुको अर्को कुनै विकल्प छैन: प्रमुख सचेतक अरगरिया

फाइल फोटो

जनकपुरधाम : समाजवादी पार्टी नेपाल प्रमुख सचेतक एवम् धनुषा निर्वाचन क्षेत्र नं. २ का प्रतिनीधि सभा सदस्य उमाशंकर अरगरियाले मधेशका किसानहरु सरकार विरुद्ध आन्दोलन गर्नुको अर्को विकल्प नरहेको बताए ।

फाइल फोटो

आईतबार संघीय सांसदमा अरगरियाले बारम्बार सांसद भवनमा धनुषा र सिरहा जोडने ऐतिहासिक कमला नदी किनारका किसानहरुलाई जँगली सुँगुर, नील गाईले हुने गरेको बालीनालीलाई नष्ट पार्दै आएको भएपनि सरकारले त्यसलाई व्यवस्थापनको लागि केही नगरेको आरोप लगाएका छन ।

नेता अरगरियाले सँसद भवनमा निरन्तररुपमा किसानहरुको समस्या समाधानका लागि कृषि तथा पशु पंन्छी बिकास मन्त्रालयका मन्त्रीसँग धनुषा र सिरहा नदिको बीचमा पर्ने कमला नदिको छेउ छाउमा रहेको कृषि क्षेत्रमा निल गाइ , सुगुरको आतंक व्यवस्थापन गर्न अहिलेसम्म किन हुन नसकेको भन्दै प्रश्न तेर्साए ।

सो क्रममा मन्त्रीले जवाफ दिन नसक्नु चिन्ताजनक रहेको बताएका थिए । उनले तत्काल धनुषा, सिरहा लगायत तराई मधेसमा यस्को उचित ब्यबस्थापन गर्नुपर्ने माग उठाउँदै अन्यथा किशानहरु सरकार विरुद्ध उत्रनुको बिकल्प नरहेको बताए ।

धनुषामा मासिक युवा छलफल कार्यक्रमको प्रथम शृंखला सम्पन्न

जनकपुरधाम :जिल्ला युवा सञ्जाल धनुषाले मासिक युवा छलफल शृङखला सुरु गरेको हो।जनकपुरमा रहेको युवाहरुको समस्या चुनौती र अवसरहरुको विषयमा गहन छलफल गरेका हुन।

शनिबार नेपाल परिवार नियोजन संघ धनुषाको सभा कक्षमा आयोजना गरेर मासिक युवा छलफल शृङखला कार्यक्रमको प्रथम शृंखला सुरु गरेका थिए।त्यसैगरी अब प्रत्येक महिनाको अन्तिम शनिबार युवा छलफल कार्यक्रम आयोजना हुने सञ्जालका अध्यक्ष धिरज साहले जानकारी दिए।

प्रत्येक छलफल कार्यक्रममा एकजना बौद्धिक वर्गका व्यक्तिलाई उपस्थिति गराएर युवाहरुको समस्याको बारेमा वृहत् रुपमा छलफल गरेर त्यसलाई न्यूनीकरण कसरी गर्ने,कुन तरिकाले गर्ने समाजमा युवाको भुमिका कस्तो हुनुपर्छ भन्ने सबै विषयमा छलफल गरिने बताएका छन।

उक्त कार्यक्रममा प्रमुख वक्ता युवा अभियन्ता अशोक साह रहेको थिए। कार्यक्रममा नेपाल परिवार नियोजन संघको केन्द्रिय सदस्य जमुना भुजेल,सञ्जालका पुर्व अध्यक्ष बटुक नाथ झालगाइत विभिन्न युवा,विद्यार्थीहरु सहभागी थिए।

त्यसैगरी जिल्ला युवा सञ्जाल धनुषाले आउदो शनिबार असार ७ गतेको विश्व रक्तदान कार्यक्रम गर्न लागेको सञ्जालका महासचिव कुलदिप साहले बताएका छन।

शिक्षकले तलब नपाएको भन्दै ,आन्दोलनको घोषणा

शिक्षकले तलब नपाएको भन्दै ,आन्दोलनको घोषणा

जनकपुरधाम । धनुषाको विदेह नगरपालिका वाड न.६ स्थित श्री जनता नमूना माध्यमिक विद्यालयका शिक्षकले तलब नपाएको भैन्दै आन्दोलनको घोषणा गरेका छ्न।

बिहीबार एक कार्यक्रम बिच शिक्षकहरु छलफल गरि
आन्दोलनका कार्यक्रम समेत सर्वजानिक गरेको छ।
अन्य सामुदायिक बिद्यालयका शिक्षकहरुले तलब पाईसकेको तर श्री जनता नमूना माद्यामिक विद्यालयका शिक्षकहरुलाई भने उपेक्षा गरिएको एक शिक्षकले बताए ।

त्यसैगरी विद्यालयका निजि श्रोतका शिक्षक ७ महिना देखि र दरबन्दी थाई शिक्षकले ४ महिना देखि तलब नपाएको बिषयमा बिदेह नगरपालिकाका प्रमुख बेचन दासलाई पटक पटक आग्रह गर्दा नगर प्रमुख दासले २०७६ जेठ २१ गते एक हप्ता भित्रै शिक्षकको समस्या समाधान गर्छु भन्ने
आश्वासन दिए पनि समयसिमा बितिसक्दा समेत शिक्षकको समस्यामा प्रमुख दास गम्भीर नभएको शिक्षकहरुको आरोप रहेको छ ।

बिगत लामो समयदेखि विद्यालयकोखाता बन्द रहेकोले बिवाद समाधान गरि विद्यालयको खाता फुकुवा गरि आफुहरुको तलब यथाशीघ्र उपलब्ध गराउन आग्रह गर्दै यदि त्यसो नभएमा आन्दोलनमा उत्रन बाध्य हुने शिक्षकहरुले चेतावनी दिएका छन् ।

यता शिक्षकहरुले आन्दोलनको कार्यक्रम सर्वजानिक गरेको छ। मिति : २०७६ असार ३ गते कालोपट्टी बाँधेर शिक्षण गर्ने , असार ४ गते एक घण्टी पेन डाउन गर्ने र असार ५ गतेदेखि तलब भुक्तानी नभएसम्म पेन डाउन गर्ने कार्यक्रम तय भएको प्राध्यापक पवन मण्डलले बताएका छ्न।

मेयर बेचन दास विरुद्ध विद्यार्थीले आन्दोलन गर्दै

जनकपुरधाम : नेपाल सरकारले नमूना विद्यालय घोषण गरेको  धनुषाको विदेह नगरपालिका ६ स्थित रहेको श्री जनता नमूना  माध्यमिक विद्यालयका विद्यार्थीहरु आन्दोलित बनेपछि झडप भएका छन।

आइतबार बिदेह नगरपालिको कार्यालयमा विद्यार्थीहरुले घेराउ गरे पछि मेयर बेचन दासको पक्षका यूवाहरुबीच झडप भएका थिए । झडपका क्रममा दर्जनौं विद्यार्थी घाइते भएका छन् । मेयर बेचन दासले बाहिरबाट  गुण्डा बोलाए विद्यार्थीहरुलाई कुटपिट गरेको अभिभावकहरुले आरोप लगाएका छन ।

त्यसैगरी झडपमा विद्यालय व्यवस्थापन समितिका अध्यक्ष राधेकृष्ण गोइत, विदेह नगरपालिका वडा नम्बर १ का अध्यक्ष विनोद गोहितमानलाई समेत चोट लागेको बुझिएको छ । घटनास्थलमा प्रहरी रहेपनि उल्टै मेयरका लठैतहरुलाई सहयोग गरेको विद्यार्थीहरुको आरोप छ ।

शुक्रवार पनि विद्यार्थीहरुले नगरपालिकामा तालाबन्दी लगाउँदा प्रहरीले लाठी चार्ज गरेका थिए । तालाबन्दी प्रहरीले फोडेपछि पुनः आज विद्यार्थीहरु नगरपालिका घेराउ गरेका थिए। साथै हुलाकी राजमार्ग स्थित रहेको तिनकौरिया चौकमा टाइरबारे २ घण्टा सडक अवरुद्ध गरेर मेयर दास विरुद्ध चर्को नाराबाजिको साथै प्रदर्शन समेत गरेका छन । त्यसपछि मेयर पक्षका व्यक्तिहरु पुग्दा झडप भएको स्थानीयले जनाएको छ ।

मेयर दासले शिक्षकको तलब,ओ छात्तबृत्ति रकम र विद्यालय नमूना घोषणा भएपछि आएको बजेट रोकेर राकेपछि विवाद सृजना भएको हो ।निजि श्रोतका शिक्षक नौं महिना र दरबन्दी थाई शिक्षक ४ महिना देखि तलब नपाएको भन्दै शिक्षकले पठनपाठन थप भएपछि विद्यार्थी आक्रोसित भएर मेयर विरुद्ध आन्दोलन गरिएको छ।

नगरपालिकामा विद्यार्थीले गरे तालाबन्दी, मेयरको आदेशमा दुई विद्यार्थी प्रहरी नियन्त्रणमा

नगरपालिकामा विद्यार्थीले गरे तालाबन्दी, मेयरको आदेशमा दुई विद्यार्थी प्रहरी नियन्त्रणमा

जनकपुरधाम । धनुषाको विदेह नगरपालिकाको कार्यालयमा विद्यार्थीहरुले तालाबन्दी गरेपछि दुई विद्यार्थी प्रहरी नियन्त्रणमा अवस्था तनावग्रस्त भएको छ।

विदेह नगरपालिका वडा नं. ६ तिनकौरिया चोक स्थित रहेको श्री जनता नमूना माध्यमिक विद्यालय गिद्धा बेलापट्टिका विद्यार्थीहरुले तीन बुंदे माग राख्दै नगरपालिका कार्यालयको मुख्यद्धार र कार्यालयको विभिन्न कोठामा ७ ओटा ताल्चा लगाएर तालाबन्दी गरेका थिए।

पटक पटक नगरपालिकाका जनप्रतिनीधि र विद्यालयका प्रधानाध्यापक पवन मण्डलबीच तनाव तथा विवाद हुँदै आएकोमा शुक्रबार विद्यार्थीहरुले नै नगरपालिका कार्यालयमा तालाबन्दी गरेपछि अवस्था उग्ररूप लिएका थिए ।

प्रहरी चौकी तिनकौरियाका सहायक प्रहरी नीरिक्षक (सई) संजीप पाण्डेका अनुसार विद्यार्थीहरुले मावि गिद्धाबेलापट्टिका प्रअ (हेडमास्टर) पवन मण्डललाई गरेको सरुवा बदर गर्न र छात्रवृत्तिको रकम विद्यार्थीमा बढ्नुपर्ने तथा विद्यालयको नाममा आएको रकम विद्यालयको खातामा हाल्नुपर्ने माग राखेर उनीहरु नगरपालिका कार्यलयमा तालाबन्दी गरेका हुन् ।

विद्यालयको विकासको लागि तथा विद्यार्थीहरुको छात्रवृति सहित विभिन्न शिर्षकको लागि नगरपालिकाको खातामा रकम आएपछि अहिलेसम्म विद्यालयको खातामा नदिएको कारण सेवासुविधाबाट विद्यार्थीहरु बञ्चित भएको भन्दै तत्कालै विद्यालयको खातामा रकम दिनुपर्ने भन्दै तालाबन्दी गरेको हो ।

नगरपालिका मेयर बेचन दासले प्रअ मण्डलसँगको विवादबीचमा विद्यार्थीहरु पिसिएको भन्दै विद्यार्थीहरुले आफूहरुको सेवासुविधाबाट बञ्चित गर्ने अधिकार कसैको नरहेको भन्दै नगरपालिका कार्यालयको मुख्य गेट सहित कार्यालयमा पनि तालाबन्दी गरेको हो ।

प्रअ मण्डललाई अवैद्यानिक तथा स्थानीत तहको कानुन विपरित काज सरुवा गरेको भन्दै विद्यार्थी तथा उनका अभिभावकहरु विरोध गर्दै आएका छन् । नगरपालिकामा गरिएको तालाबन्दी खुलाउनको लागि विद्यार्थीहरुको माग उपर छलफल नगरी नगरपालिकामा लगाएको ताल्चा भाचेको छ।

यस सन्दर्भमा विद्यालयका प्रधानाध्यापक पवन मण्डलसँग कुराकानी गर्दा भने हामी ६ दिनकालागी काठमाडौमा एक कार्यक्रममा सहभागी हुन गएका थिए। तर मेयर दासले हामलाई चुपैचाप कागजी सरूवा गरेपछि विद्यार्थीहरु आक्रोशित भएका छन् । विद्यालयमा भोतिक पुर्वाधार निर्माणका लागि ४ करोड भन्दा बढी बजेट आएको र मेयरले ३० % प्रतिसत कमिशन माग्दा नदिने बताएपछि आफुलाई सरुवा गरेको प्रधानाध्यापक पवन मण्डलले गुनासो गरेका थिए।

उनले सरूवा गरेको आधिकारिक पत्र भने नदिएको बताउँछन् । उनका अनुसार मेयर दासले कर्मचारीको तलब र विद्यार्थीको छात्रवृत्ति रकम समेत रोकेका छन् ।

यता त्यही विद्यालयका एक विद्यार्थीले भने ” हामीहरु नगरपालिकामा तालाबन्दी गरे पछि पुन विद्यालयको प्राङ्गणमा जादा खेरी हामीहरु माथी मेयरको आदेशमा प्रहरीले लाठीचार्ज गरेर भगमभाग अवस्था बनाएका थिए ।त्यसैक्रममा विद्यार्थी नेता प्रेम यादव र संजिप यादवलाई मेयरको आदेशमा प्रहरीले पक्राउ गरेका थिए ।त्यसपछि विद्यार्थी र प्रहरी बिच झडप पनि भएका थियो ।

पक्राउ परेका दुबै जनालाई तत्कालै रिहा गर्नु पर्ने माग लिएर विद्यार्थी र अभिभावकले प्रहरी चौकी गिद्वा बेलापट्टीमा पुगेका थिए।त्यहाँ प्रहरी ती दुबै जना विद्यार्थीलाई रिहा गर्न न माने पछि प्रहरी विरुद्ध नै आन्दोलन गरे पछि दुबै जना विद्यार्थीलाई रिहा भएको विद्यार्थी नेता श्याम पासमानले बताएका छन।

एनआरएमए मलेसियाले रमदानको अवसरमा मधेशी मिलन कार्यक्रम सम्पन्न गरे

पुनित पासमान , मलेसिया : विश्वभरी छरिएर रहेका मधेशीहरुको छाता संगठन गैर आवासीय मधेशी संघले रमदानको अवसरमा मधेशी मिलन कार्यक्रम सम्पन्न भएको छ।

बिहिवार एनआरएमए मलेसियाको कोलालामपुरमा मधेशी मिलन कार्यक्रमको आयोजना गरेको अन्तर्राष्ट्रिय सदस्य कप्लेश्वर यादवले बताए।

कार्यक्रम इस्लाम धर्मावलम्बीहरुको पवित्र रमजानका अवसरमा मलेसियामा रहेका करिब ७५ जना मधेशीहरु कार्यक्रममा उपस्थिति रहेका थिए।

उक्त कार्यक्रममा एनआरएमए मलेसियाका अध्यक्ष मनटू पालको प्रमुख अतिथिमा कार्यक्रम सम्पन्न भएको थिए। त्यसैक्रममा रमदानको शुभकामना दिदै सम्पूर्ण मधेशीलाई एकीकृत भएर एकआपसमा सहयोग गर्न आग्रह गरे ।मधेशको पहिचान , धार्मिक र सांस्कृतिक धरोहरलाई संरक्षण गर्ने काम पनि एनआरएमएले गर्दै आएको पालले बताएका थिए।

मधेशी जनताको जनचाहना अनुसार जनमत पार्टी स्थापना भएको हुनाले अब कि बार जनमत कि सरकार जस्ता नारा समेत गुन्जेका थिए।यस संस्था लाई मधेशीहरुको सब भन्दा ठूलो छाता संगठन बनाउने संकलपको साथ कार्यक्रम समापन भएका थिए।

मधेशीले चलाए कतारमा एक दिवसीय किक्रेट टुर्नामेंट

मधेशीले चलाए कतारमा एक दिवसीय किक्रेट टुर्नामेंट

राकेश मैथिल, कतार । विश्वभरी छरिएर रहेका मधेशीहरुको छाता संगठन गैर आवासीय मधेशी संघ(एनआरएमए) कतारले एक दिवसीय क्रिकेट टूर्नामेंट बुधबार सम्पन्न भएका छन।

टुर्नामेन्ट बरवासिटीको कम्पाउन्डमा भएको खेलमा जम्म ७ टिम भाग लिएका थिए । बरवासिटी, सनैया ३८, ग्रैंड मॉल, अबुनखला पेट्रोल पम्प, वाक्रा, अल थुमामा र दोहा क्रिकेट टीमको सहभागिता रहेको थियो । सेमीफ़ाइनलमा ग्रैंड मॉल र सनैया ३८ बीचको खेलमा सनैया विजय भएको थियो।

अल थूमामा र दोहाबीचको खेलमा अल थूमामाले जित हात पारेको थियो। फाइनलमा अलथुमामा र सनैया ३८ पुगेका थिए। फाइनलमा अलथुमामाले जित हात पार्दै सनैया ३८ टिम दोस्रो भए। प्रतियोगितालाई सफल बनाउन बरवा सिटीका संजीत कुमार दास, बिनोद कुमार साह तथा एनआरएमएका सदस्यहरूले सहयोग गरेका थिए।

गैर आवासीय मधेशी संघले विश्वभर रहेका मधेशीहरुलाई संगठित गरी मधेशको सांस्कृतिक, धार्मिक, पहिचान एव खेलकूद सम्बन्धी विभिन्न कार्यक्रमहरु गर्दै आएको छ।

- Advertisment -